ಐಪಿಎಲ್ 2025 ಸೀಸನ್ ಆರಂಭವಾಗಿ ಎರಡು ವಾರಗಳು ಕಳೆದಿವೆ. ಈ ಮಧ್ಯೆ, ಒಂದು ದೊಡ್ಡ ಸುದ್ದಿ ಬೆಳಕಿಗೆ ಬಂದಿದ್ದು, ಕ್ರಿಕೆಟ್ ದೇವರು ಸಚಿನ್ ತೆಂಡೂಲ್ಕರ್ ಅವರ ಪುತ್ರಿ ಸಾರಾ ತೆಂಡೂಲ್ಕರ್ ಅವರು ಕ್ರಿಕೆಟ್ ತಂಡವನ್ನು ಖರೀದಿಸಿದ್ದಾರೆ. ಗ್ಲೋಬಲ್ ಇ-ಕ್ರಿಕೆಟ್ ಪ್ರೀಮಿಯರ್ ಲೀಗ್ (ಜಿಇಪಿಎಲ್) ನಲ್ಲಿ ಸಾರಾ ತೆಂಡೂಲ್ಕರ್ ಮುಂಬೈ ಫ್ರಾಂಚೈಸಿಯನ್ನು ಖರೀದಿಸಿದ್ದಾರೆ. GEPL ವಿಶ್ವದ ಅತಿದೊಡ್ಡ ಇ-ಕ್ರಿಕೆಟ್ ಮತ್ತು ಮನರಂಜನಾ ಲೀಗ್ ಆಗಿದ್ದು, ಇದನ್ನು "Real Cricket" ಆಟದ ಮೇಲೆ ಆಡಲಾಗುತ್ತದೆ. ಇಲ್ಲಿಯವರೆಗೆ, 300 ದಶಲಕ್ಷಕ್ಕೂ ಹೆಚ್ಚು ಜನರು ಇದನ್ನು ಡೌನ್‌ಲೋಡ್ ಮಾಡಿಕೊಂಡಿದ್ದಾರೆ. ಈ ಲೀಗ್ ತನ್ನ ಮೊದಲ ಋತುವಿನಿಂದ ಅಗಾಧವಾಗಿ ಬೆಳೆದಿದೆ.
ಕ್ರಿಕೆಟ್ ನಮ್ಮ ಕುಟುಂಬದ ಪ್ರಮುಖ ಭಾಗವಾಗಿ ಉಳಿದಿದೆ. ಇ-ಸ್ಪೋರ್ಟ್ಸ್‌ನಲ್ಲಿ ಅದರ ಸಾಮರ್ಥ್ಯವನ್ನು ನೋಡುವುದು ರೋಮಾಂಚನಕಾರಿಯಾಗಿದೆ. ಜಿಇಪಿಎಲ್‌ನಲ್ಲಿ ಮುಂಬೈ ಫ್ರಾಂಚೈಸಿಯನ್ನು ಹೊಂದುವುದು ನನಗೆ ಒಂದು ಕನಸು ಅದು ಈಗ ನನಸಾಗಿದೆ, ಅಲ್ಲದೇ ಇದು ಆಟದ ಮೇಲಿನ ನನ್ನ ಪ್ರೀತಿ ಮತ್ತು ಉತ್ಸಾಹವನ್ನು ಸಂಯೋಜಿಸುತ್ತದೆ. ನಮ್ಮ ತಂಡದೊಂದಿಗೆ ಪ್ರೀತಿಯ ಇ-ಸ್ಪೋರ್ಟ್ಸ್ ಫ್ರಾಂಚೈಸ್ ಅನ್ನು ನಿರ್ಮಿಸಲು ನಾನು ಎದುರು ನೋಡುತ್ತಿದ್ದೇನೆ" ಎಂದು ಸಾರಾ ತೆಂಡೂಲ್ಕರ್ ಹೇಳಿದರು.
ಇನ್ನು ಐಪಿಎಲ್ ಸಮಯದಲ್ಲಿ ಸಾರಾ ತೆಂಡೂಲ್ಕರ್ ಮುಂಬೈ ಇಂಡಿಯನ್ಸ್ ತಂಡಕ್ಕೆ ಚಿಯರ್ ಮಾಡುವುದನ್ನು ಗಮನಿಸಿರುತ್ತೇವೆ. ಅಲ್ಲದೆ, ಮುಂಬೈಗೆ ಹುರಿದುಂಬಿಸುವ ಅವರ ಫೋಟೋಗಳು ಮತ್ತು ವೀಡಿಯೊಗಳು ಆಗಾಗ್ಗೆ ಸೋಷಿಯಲ್‌ ಮಿಡಿಯಾದಲ್ಲಿ ವೈರಲ್ ಆಗುತ್ತವೆ..